KUCHING: Dara bajik penakan Iban India Kashwaria Panjanathen nyadi champion Kumang Gawai Cats 2019.
Kashwaria mujur ngalah ke semilan iku finalis bukai serta mai pulai perais mata duit RM5,000, jumpang, selampai champion, setipikit, perais ari ubat gigi Darlie enggau bungai.
Penuduk kedua dipenggi Grandy Mina Mihim bansa Bidayuh mai pulai perais mata duit RM3,000, selayah, setipikit, perais ari ubat gigi Darlie enggau bungai.
Grandy mega dipilih nyadi Miss Darlie mai pulai perais mata duit RM2,000.
Lalu penuduk ketiga pulai ngagai Lydia Yusreena Abdul Ellias indu penakan Iban Jawa mai pulai perais mata duit RM2,000, selampai, setipikit, perais ari ubat gigi Darlie enggau bungai.
Akim pekit diketuai Benjamin Lawrence ari Kampung Budaya Sarawak, Kepala Kelab Ngajat Joefrazier Kemping enggau penanyi tebilang Iban Lucy M.
Perais pemenang disuaka Kaban Parlimen Mukah, Datuk Hanifah Hajar Taib-Alsree enggau CEO Cats FM Haji Mohd Iskandar Mohd Nawawi ba palan bebeli barang Aeon Mall ditu, kemari.
Pekit tu mega dipelanja Hotel Ucsi, Ubat gigi Darlie enggau Aeon Mall, Kuching.-SuaraSarawak
No comments:
Post a Comment